ທະນາຄານ ແຫ່ງຊາດລາວຈະດໍາເນີນມາດຕະການຄວບຄຸມອັດຕາເງິນເຟີ້ ດ້ວຍການຈຳກັດການເຕີບໂຕຂອງເງິນໝຸນວຽນ ໃນລະບົບເສດຖະກິດຂອງລາວ ບໍ່ໃຫ້ຂະຫຍາຍຕົວເກີນກວ່າ 10% ໃນຕະຫລອດປີນີ້ ແລະໃນຂະນະດຽວກັນ ກໍຈະສົ່ງເສີມລະບົບສິນເຊື່ອຂອງທະນາ ຄານ ໃຫ້ຂະຫຍາຍຕົວເພີ່ມຂຶ້ນຢ່າງຕໍ່ເນຶ່ອງ.
ລາຍງານໂດຍ ຊົງຣິດ ໂພນເງິນ | ບາງກອກ 08-24-2010
ເຈົ້າໜ້າ ທີ່ຂັ້ນສູງໃນທະນາຄານແຫ່ງຊາດລາວ ໄດ້ໃຫ້ການຢືນຢັນວ່າ ທະນາຄານແຫ່ງຊາດລາວໄດ້ກໍາໜົດເປົ້າ ໝາຍທີ່ຈະຄວບຄຸມອັດຕາເງິນເຟີ້ໃນຕະຫລອດປີ 2010 ນີ້ໃຫ້ຢູ່ໃນລະດັບບໍ່ເກີນ 5% ເມື່ອທຽບກັບປີ 2009 ທີ່ຜ່ານມາ ຊຶ່ງການທີ່ຈະເຮັດໃຫ້ສາມາດບັນລຸເປົ້າໝາຍດັ່ງກ່າວໄດ້ນັ້ນ ກໍຈໍາເປັນຢ່າງຍິ່ງ ທີ່ຈະຕ້ອງດໍາເນີນມາດຕະການຢ່າງເຂັ້ມງວດ ເຂົ້າໃນການຈໍາກັດການເຕີບໂຕຂອງປະລິມານເງິນທຶນໝຸນວຽນ ໃນລະບົບເສດຖະກິດຂອງລາວທັງປະເທດ ໃຫ້ມີການຂະຫຍາຍຕົວເພີ່ມຂຶ້ນບໍ່ເກີນ 10%.
ທັງນີ້ກໍເນຶ່ອງຈາກວ່າ ຖ້າຫາກປະລິມານເງິນທຶນໝຸນວຽນໃນລະບົບເສດຖະກິດຂອງລາວ ມີການຂະຫຍາຍຕົວສູງເກີນກວ່າລະດັບ 10% ເມື່ອທຽບໃສ່ກັບປີ 2009 ທີຜ່ານມານັ້ນ ກໍຈະເຮັດໃຫ້ມີປະລິມານເງິນທຶນທີ່ໝຸນວຽນ ຢູ່ໃນລະບົບເສດຖະກິດຂອງລາວ ຫລາຍເກີນຄວາມສາມາດ ໃນການຜະລິດສິນຄ້າທີ່ເປັນຈິງ ແລະໃນເມື່ອວ່າມີປະລິມານເງິນທຶນໝຸນວຽນ ຫລາຍກວ່າ ປະລິມານສິນຄ້າ ກໍຈະສົ່ງຜົນກະທົບເຮັດໃຫ້ສິນຄ້າໃນທ້ອງຕະຫລາດ ມີລາຄາແພງຂຶ້ນ ຊຶ່ງກໍຈະເປັນສາເຫດສໍາຄັນທີ່ເຮັດໃຫ້ເກີດບັນຫາເງິນເຟີ້ສູງ ຂຶ້ນຈົນບໍ່ສາມາດທີ່ຈະ ຄວບຄຸມໄດ້ນັ້ນເອງ. ແຕ່ຢ່າງໃດກໍຕາມ ເຈົ້າໜ້າທີ່ຂັ້ນສູງໃນທະນາຄານແຫ່ງຊາດລາວກໍ ຍອມຮັບວ່າເປັນການຍາກຫລາຍ ທີ່ທະນາຄານແຫ່ງຊາດລາວຈະສາມາດຄວບຄຸມການຂະຫຍາຍຕົວຂອງປະລິມານ ເງິນທຶນໝຸນວຽນດັ່ງກ່າວນີ້ໄດ້ ຕາມເປົ້າໝາຍທີ່ວາງເອົາໄວ້ ເນຶ່ອງຈາກວ່າໃນຕະຫລອດປີ 2009 ທີຜ່ານມາກໍປາກົດວ່າ ປະລິມານເງິນທຶນໝຸນວຽນໃນລະບົບເສດຖະກິດຂອງລາວໄດ້ຂະຫຍາຍຕົວເພີ່ມ ຂຶ້ນເຖິງ 31% ເມື່ອທຽບໃສ່ປີ 2008 ຊຶ່ງສະຖານະການດັ່ງກ່າວນີ້ ນອກຈາກຈະເຮັດໃຫ້ລະບົບເສດຖະກິດຂອງລາວໃນປີຜ່ານມາ ມີປະລິມານເງິນທຶນໝຸນວຽນ ຄິດເປັນມູນຄ່າທັງໝົດເກືອບ 15,176 ຕື້ກີບ ຫລືຫລາຍກວ່າ 1,850 ລ້ານໂດລາແລ້ວ ຍັງໄດ້ສົ່ງຜົນກະທົບຕໍ່ເນຶ່ອງ ເຮັດໃຫ້ອັດຕາເງິນເຟີ້ໃນລາວເພີ່ມຂຶ້ນເຖິງ 4.94% ໃນຕະຫລອດໄລຍະ 6 ເດືອນທີ່ຜ່ານມາຂອງປີ 2010 ອີກດ້ວຍ.
ຍິ່ງໄປກວ່ານັ້ນ ການທີ່ກະເສດຕະກອນລາວສາມາດຜະລິດເຂົ້ານາແຊງໃນປີນີ້ ໄດ້ຕໍ່າກວ່າເ ປົ້າໝາຍທີ່ວາງໄວ້ ເຖິງ 30% ຍ້ອນບັນຫາໄພແຫ້ງແລ້ງຢ່າງໜັກກັບທັງຍັງມີຄວາມສ່ຽງຢ່າງສູງທີ່ຈະ ຕ້ອງປະເຊີນກັບໄພນໍ້າຖ້ວມ ໃນຊ່ວງລະດູຝົນປີນີ້ ກໍຍັງຈະນັບເປັນອີກສາເຫດນຶ່ງທີ່ຈະເຮັດໃຫ້ລາວຕ້ອງປະສົບກັບໄພ ເງິນເຟີ້ສູງຂຶ້ນເນຶ່ຶອງ ຈາກເຂົ້າໃນທ້ອງຕະຫລາດໃນລາວຈະມີລາຄາແພງຂຶ້ນອີກຢ່າງຫລີກລ່ຽງບໍ່ ໄດ້ນັ້ນເອງ.
ຢ່າງໃດກໍຕາມ ທາງການລາວກໍເຊຶ່ອໝັ້ນວ່າຈະສາມາດປ້ອງກັນບັນຫາເງິນເຟີ້ດັ່ງກ່າວ ໄດ້ ດ້ວຍການສົ່ງເສີມທະນາຄານທັງຂອງລັດຖະບານແລະເອກກະຊົນ ໃຫ້ເພີ່ມວົງເງິນສິນເຊື່ອແກ່ໜ່ວຍຜະລິດສິນຄ້າຢູ່ໃນລາວໃຫ້ ໄດ້ຫລາຍຂຶ້ນ ດັ່ງທີ່ທ່ານພູເພັດ ຄໍາພູນວົງ ຜູ້ວ່າການທະນາຄານແຫ່ງຊາດລາວ ໄດ້ກ່າວຢືນຢັນວ່າ:
“ລະບົບທະນາຄານຂອງພວກເຣົາມີຄວາມສາມາດລະດົມທຶນຮອນໄດ້ ສູງຂຶ້ນ ແລະສາມາດຕອບສະໜອງທຶນຮອນ ໃຫ້ແກ່ການພັດທະນາເສດຖະກິດ-ສັງຄົມແຫ່ງຊາດໄດ້ສູງຂຶ້ນ ກັບທັງຍັງມີການພັດທະນາຢ່າງຫລວງ ຫລາຍໃນການບໍລິການ ແລະບັນດາຫົວໜ່ວຍທຸລະກິດກໍສາມາດເຂົ້າເຖິງບໍລິການດ້ານການເງິນ ໄດ້ ຢ່າງສະດວກສະບາຍຫລາຍຂຶ້ນ.”
ໃນປັດຈຸບັນນີ້ ຢູ່ໃນລາວມີທະນາຄານຢູ່ທັງໝົດ 24 ທະນາຄານ ຊຶ່ງແບ່ງອອກເປັນທະນາຄານຂອງລັດຖະບານ 4 ທະນາຄານ ກໍຄືທະນາຄານພັດທະນາລາວ ທະນາຄານນະໂຍບາຍ ທະນາຄານສົ່ງເສີມກະສິກໍາ ແລະທະນາຄານການຄ້າຕ່າງປະເທດ ສ່ວນທີ່ເຫລືອກໍເປັາສາຂາທະນາຄານຕ່າງຊາດຈໍານວນ 11 ແຫ່ງ ແລະອີກ 9 ແຫ່ງກໍມີທັງທະນາຄານເອກກະຊົນ ແລະທະນາ ຄານຮ່ວມລົງທຶນລະຫວ່າງລັດຖະບານ ກັບເອກກະຊົນລາວແລະຕ່າງຊາດ.
ແຕ່ຢ່າງໃດກໍຕາມ ກ່ອນໜ້ານີ້ ທ່ານສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ຜູ້ປະຈໍາຄະນະລັດ ຖະບານລາວ ກໍໄດ້ຖະແຫລງຍອມຮັບວ່າ ວົງເງິນສິນເຊື່ອໃນລາວຍັງບໍ່ ພຽງພໍກັບຄວາມຕ້ອງການທີ່ເປັນຈິງ ເຖິງແມ່ນວ່າໃນປີທີ່່ຜ່ານມາ ລະບົບທະນາຄານຢູ່ໃນ ລາວຈະສາມາດຕອບສະໜອງເງິນກູ້ໃຫ້ກັບໜ່ວຍການຜະລິດຕ່າງໆໄດ້ ໃນມູນຄ່າລວມເຖິງ 11,000 ຕື້ກີບ ຫລືຄິດເປັນ 20% ຂອງມູນຄ່າ GDP ກໍຕາມ ຫາກແຕ່ກໍຍັງນັບວ່າຕໍ່າ ກວ່າລະດັບຄວາມຕ້ອງການທີ່ເປັນຈິງ ເກືອບເຖິງ 4 ເທົ່າຕົວ.
George2012 wrote:Head of this bicth: Mrs. Khankeo LAMANINGAO
Head of this bicth: Mrs. Khankeo LAMANINGAO
ໝໍນີ້ບ້າມາແຕ່ໃສ?
