ລາວ ກຳລັງຈະມີສູນພັດທະນາເສດຖະກິດ ແລະ ແຫລ່ງທ່ອງທ່ຽວຄົບວົງຈອນອາຊຽນ 3 ຫລ່ຽມເສດຖະກິດ (3 ຫລ່ຽມທອງຄຳ). ຄາດວ່າອີກ 20 ປີ ຂ້າງຫນ້າຈະສຳເລັດການກໍ່ສ້າງ ດ້ວຍເງິນລົງທຶນ 86.600.000 ໂດລາສະຫະລັດ ຢູ່ເມືອງຕົ້ນເຜິ້ງແຂວງບໍ່ແກ້ວ.

   ພາຍຫລັງໄດ້ຮັບການສຳຫລວດ ໂຄງການພັດທະນາເສດຖະກິດ ແຫລ່ງທ່ອງທ່ຽວຄົບວົງ ຈອນອາຊຽນສາມຫລ່ຽມເສດຖະກິດ ໃນປີ 2005 ແລະໄດ້ເຊັນສັນຍາໃນວັນທີ 26 ເດືອນເມ ສາຜ່ານມາ ໂດຍມີກຸ່ມບໍລິສັດດອກງິ້ວຄຳດຳເນີນການກໍ່ສ້າງ. ເຊິ່ງກຸ່ມບໍລິສັດດັ່ງກ່າວໄດ້ເລີ່ມ ລົງມືກໍ່ສ້າງຕັ້ງແຕ່ເດືອນ ມິຖຸນາ ເປັນຕົ້ນມາ.

   ອີງຕາມການເປີດເຜີຍຂອງທ່ານ ແສງເພັດ ຈາງ, ຫົວຫນ້າກຸ່ມບໍລິສັດ ດອກງິ້ວຄຳສຳນັກ ງານວຽງຈັນ ໄດ້ເປີດເຜີຍເຖິງເລື່ອງນີ້ວ່າ: ບໍລິສັດດັ່ງກ່າວ ລົງທຶນທັງຫມົດ 86.600.000ໂດ ລາສະຫະລັດ ໃນການກໍ່ສ້າງຮ້ານອາຫານ,ຖະຫນົນຫົນທາງ, ໂຮງຫມໍ,ສະຫນາມກ໊ອຟ, ໂຮງ ງານອຸດສາຫະກຳ, ໂຮງງານແປຮູບ,ເຂດປູກພືດສິນຄ້າ, ສູນກາງການສຶກສາ,ການຕະຫລາດ, ໂຮງແຮມ, ຮ້ານບັນເທີງ, ທີ່ພັກອາໄສ, ຮ້ານກິນດື່ມ, ປະກັນໄພ ແລະ ການບໍລິການ ທະນາ ຄານດ້ານການເງິນ,ໂທລະຄົມ, ກັນເຈື່ອນ ລວມເຖິງແຫລ່ງທ່ອງທ່ຽວ ພັດທະນາພື້ນຖານໂຄງ ລ່າງເສດຖະກິດ ແລະ ອື່ນໆອີກ ໃນເນື້ອທີ່ທັງຫມົດ 827 ເຮັກຕາ. ໂດຍບໍລິສັດດັ່ງກ່າວ ຈະ ພັດທະນາໂຄງການເປັນເວລາ 50 ປີ ແລະ ເມື່ອຫມົດອາຍຸຈະຕໍ່ສັນຍາອີກ 25 ປີ.

   ໂຄງການດັ່ງກ່າວ ຈະກໍ່ສ້າງເປັນ 3 ໄລຍະຄື: ໄລຍະທີຫນຶ່ງຈະກໍ່ສ້າງພື້ນຖານໂຄງລ່າງ ຮ້ານກິນດື່ມ, ໂຮງແຮມ, ສະຖານທີ່ບັນເທີງ, ຕຶກຄາຊີໂນ ໂຄງການທີ່ດອນຊາວ ແລະ ກັນ ເຈື່ອນຕາມແມ່ນ້ຳຂອງໂດຍຈະໃຊ້ທຶນໃນການກໍ່ສ້າງທັງຫມົດ 48 ລ້ານກວ່າໂດລາສະຫະລັດ ຈະໃຊ້ເວລາ 5ປີໃນການກໍ່ສ້າງ, ສຳລັບໄລຍະ 2 ນັ້ນຈະໄດ້ສ້າງເສັ້ນທາງພາມໃນໂຄງການ, ໂຄງການສຶກສາ ແລະ ສາທາລະນະສຸກ, ຕຶກການຄ້າສາກົນ, ສະຫນາມກ໊ອຟ ໂດຍຈະໃຊ້ ທຶນທັງຫມົດ 19 ລ້ານກວ່າໂດລາສະຫະລັດ. ສຳລັບໄລຍະສຸດທ້າຍນັ້ນ ຈະໄດ້ສ້າງເຂດການ ປຸງແຕ່ງທາງຫັດຖະກຳ ແລະ ອຸດສາຫະກຳເບົາ, ເຂດການປຸງແຕ່ງທາງດ້ານຫັດຖະກຳ ແລະ ການຜະລິດຢາ, ການປູກຝັງ-ລ້ຽງສັດ ແລະ ໂຄງການພັດທະນາເຄຫາສະຖານ ໂດຍຈະໃຊ້ ທຶນທັງຫມົດ 19 ລ້ານໂດລາສະຫະລັດ.

   ຄາດວ່າໂຄງການດັ່ງກ່າວ ຈະໃຫ້ສຳເລັດພາຍໃນ 20 ປີຂ້າງຫນ້າ ທ່ານ ແສງເພັດ ຈາງ ຍັງເປີດເຜີຍອີກວ່າ: ຖ້າຫາກໂຄງການດັ່ງກ່າວ ສຳເລັດຈະສ້າງວຽກເຮັດງານທຳໃຫ້ປະຊາຊົນ ໃນເຂດພື້ນທີ່ເປັນຈຳນວນຫລາຍພັນຄົນ ພ້ອມກັນນັ້ນ ຍັງຈະໄດ້ເປັນເຂດສູນການຄ້າ ແລະ ແຫລ່ງທ່ອງທ່ຽວທີ່ໃຫຍ່ທີ່ສຸດໃນຂົງເຂດ 3ຫລ່ຽມເສດຖະກິດລະຫວ່າງ ລາວ, ຈີນ, ໄທ ແລະ ມຽນມາ.

Source: ecom