ບ.ກ ຮູ້ສຶກເປັນກຽດສູງສົ່ງທີ່ພະນັກງານການນຳບຳບານຂອງກະຊວງຖະແຫຼງຂ່າວ ແລະ ວັດທະນະທຳ ທີ່ມີ
ຄວາມເປັນຫ່ວງເລື່ອງການໃຊ້ສັບພາສາທີ່ບໍ່ແມ່ນຂອງລາວ.
††††††††††††††††ຈ.ມ ເພິ່ນມີບາງຈຸດສຳຄັນດັ່ງນີ້:
††††††††††††††††ຮຽນ: ບັນດາທ່ານ ບັນດາສະຫາຍ ທີ່ເປັນຄົນລາວບັນດາເຜົ່າ ທີ່ເຄົາລົບ ແລະ ຮັກແພງທັງຫຼາຍ.
††††††††††††††††ຂ້າພະເຈົ້າ ສົມນິດ ວັນຄຳ ພະນັກງານບຳນານສັງກັດກະຊວງຖະແຫຼງຂ່າວ ແລະ ວັດທະນະທຳແຫ່ງ ສປປ
ລາວ ຂໍຮຽນສະເໜີດ້ວຍຄວາມເປັນຫ່ວງ ແລະ ຈິງໃຈ ບົນພື້ນຖານທັດສະນະປະຕິວັດມາຍັງບັນດາທ່ານ ບັນດາສະຫາຍ
ເຊິ່ງລ້ວນແຕ່ມີຖານະໜ້າທີ່ຮັບຜິດຊອບຕໍ່ຊາຕາອະນາຄົດຂອງປະເທດຊາດລາວລະບອບໃໝ່ນັ້ນ ຈົ່ງພ້ອມກັນຮູ້ສຶກສະດຸ້ງ
ຕື່ນ ແລະ ຕັດສິນໃຈເຂົ້າຮ່ວມຂະບວນການຕໍ່ສູ້ ແລະ ປົກປັກຮັກສາສັບພາສາຂອງຊາດລາວໃຫ້ຢູ່ຄູ່ກັບຜືນແຜ່ນດິນລ້ານ
ຊ້າງຕະຫຼອດໄປ.
††††††††††††††††ບາງສັບດັ່ງຕໍ່ໄປນີ້ ຕ້ອງຢຸດເຊົາ ການໃຊ້ເພາະພາສາຂອງຊາດລາວເຮົາກໍມີຢູ່ແລ້ວ ບໍ່ຈຳເປັນຈະໃຊ້ຕໍ່ໄປອີກ.
††††††††††††††††ຕົວຢ່າງ: 1.ພາສາລາວເອີ້ນວ່າ: ເຮືອນ ພາສາໄທເອີ້ນວ່າ ບ້ານ ກົງກັນຂ້າມ ຄົນລາວພັດພາກັນກ່າຍເອົາພາ
ສາໄທ ມາໃຊ້ປ່ຽນແທນພາສາຂອງຊາດລາວຢ່າງບໍ່ຮູ້ສຶກຕົວ ເຊັ່ນ: ປ່ຽນຄຳ ວ່າຕົກແຕ່ງເຮືອນ ເປັນຄຳວ່າຕົກແຕ່ງບ້ານ
ປ່ຽນຄຳວ່າຕິດຕັ້ງແອໃສ່ເຮືອນ ເປັນຄຳວ່າ ຕິດຕັ້ງແອໃສ່ບ້ານ ປ່ຽນຄຳວ່າ: ໜ້າເຮືອນ ເປັນຄຳວ່າ ໜ້າບ້ານ ປ່ຽນຄຳວ່າ: ຫຼັງ
ເຮືອນ ເປັນຄຳວ່າ ຫຼັງບ້ານ ປ່ຽນຄຳວ່າ: ແມ່ເຮືອນ ເປັນຄຳວ່າ ແມ່ບ້ານ ປ່ຽນວ່າ ເຮືອນພັກ ເປັນຄຳວ່າ ບ້ານພັກ ແລະ
ອື່ນໆ ດັ່ງນັ້ນ ຕ້ອງເຂົ້າໃຈໃຫ້ແຈ້ງ ຄຳວ່າ ບ້ານ ຕາມພາສາລາວ ຕ້ອງມີຫຼາຍຫຼັງເຮືອນ ມີນາຍບ້ານ ມີການຈັດຕັ້ງຄົບຊຸດ
ຢູ່ຮາກຖານ.
††††††††††††††††2.ພາສາລາວເອີ້ນວ່າ: ບ້ານ ພາສາໄທ ເອີ້ນວ່າ ໝູ່ບ້ານ ແຕ່ກົງກັນຂ້າມ ຄົນລາວພັດພາກັນເຂົ້າໄປຕາມພາ
ສາໄທ ເຊັ່ນ: 1 ໝູ່ບ້ານ 2 ໝູ່ບ້ານ 3 ໝູ່ບ້ານ ແລະ ຕໍ່ໆໄປ ດັ່ງນັ້ນ ຕ້ອງເຂົ້າໃຈໃຫ້ແຈ້ງ ຄຳວ່າ ໝູ່ບ້ານ ຕາມພາສາໄທ
ຍ້ອນວ່າ ເຮືອນແຕ່ລະຫຼັງນັ້ນ ໄທເອີ້ນວ່າ: ບ້ານຫຼາຍບ້ານນ້ອຍໂຮມເຂົ້າກັນ ໄທຈຶ່ງເອີ້ນວ່າ: ໝູ່ບ້ານ ເມື່ອເປັນແນວນັ້ນ ລາວ
ເອີ້ນວ່າ ໝູ່ບ້ານແມ່ນຜິດ.
††††††††††††††††3.ພາສາລາວເອີ້ນວ່າ: ຖົງ ພາສາໄທເອີ້ນວ່າ: ກະເປົາ ແຕ່ກົງກັນຂ້າມ ຄົນລາວພັດພາກັນເວົ້າໄປຕາມພາສາ
ໄທ ເຊັ່ນ: ປ່ຽນຄຳວ່າ ຖົງພາຍ ຖົງຫີ້ວ ຖົງເປ້ ຖົງຊີມັງ ແລະ ຖົງອື່ນໆ ເປັນຄຳວ່າ: ກະເປົາພາຍ ກະເປົາຫີ້ວ ກະເປົາຊີມັງ
ກະເປົາເປ້ ແລະ ກະເປົາອື່ນໆ.
††††††††††††††††4.ພາສາລາວເອີ້ນວ່າ: ເອົາມາຕ້ອນ ພາສາໄທເອີ້ນວ່າ: ເອົາຝາກ ແຕ່ຄົນລາວພັດພາກັນນິຍົມເວົ້າຕາມພາສາ
ໄທ ດັ່ງນັ້ນ ຕ້ອງເຂົ້າໃຈໃຫ້ແຈ້ງ ຄຳວ່າ ເອົາມາຝາກຕາມພາສາລາວ ແມ່ນຝາກໄປບ່ອນອື່ນ ແລະ ເອົາມາຝາກໄວ້.
††††††††††††††††5.ພາສາລາວເອີ້ນວ່າ: ພົບກັນ ພໍ້ກັນ ພາສາໄທເອີ້ນວ່າ: ເຈີກັນ ແຕ່ຄົນລາວພັດພາກັນເວົ້າຕາມພາສາໄທ ປະ
ຖິ້ມພາສາລາວຢ່າງບໍ່ມີສະຕິ.
††††††††††††††††6.ພາສາລາວເອີ້ນວ່າ: ເຄື່ອງຈັກ ຫຸ່ນຈັກ ເຮືອບິນ ພາສາໄທເອີ້ນວ່າ: ເຄື່ອງຍົນ ຫຸ່ນຍົນ ຍົນ... ແຕ່ຄົນລາວພັດ
ພາກັນເວົ້າໄປຕາມພາສາໄທ.
††††††††††††††††7.ພາສາລາວເອີ້ນວ່າ: ຜູ້ຊາຍເຈົ້າຊູ້ ຜູ້ຊາຍງາມ ພາສາໄທເອີ້ນວ່່າ: ໜຸ່ມຫຼໍ່ ແຕ່ຄົນລາວພັດພາກັນນິຍົມເວົ້າ
ຕາມພາສາໄທ ຢ່າງລືມຕົວໄປເລີຍ.
††††††††††††††††8.ພາສາລາວເອີ້ນວ່າ: ແກ້ວແວ່ນ ພາສາໄທເອີ້ນວ່່າ: ກະຈົກ ແຕ່ຄົນລາວສ່ວນໜຶ່ງພາກັນເວົ້າພາສາໄທ ແທນ
ພາສາລາວໄປເລີຍ.
††††††††††††††††9.ພາສາລາວເອີ້ນວ່າ: ແຜ່ນແພຝ້າຍ ແຜ່ນແພໄໝ ພາສາໄທເອີ້ນວ່າ: ຜ້າຝ້າຍ ຜ້າໄໝ ແຕ່ຄົນລາວພາກັນຫຼົງ
ເວົ້າໄປຕາມພາສາໄທ ດັ່ງນັ້ນ ຕ້ອງເຂົ້າໃຈໃຫ້ແຈ້ງ ຄຳວ່າ: ຜ້າຕາມພາສາລາວ ແມ່ນໝາຍເຖິງ ຜ້າສະໂຫຼ້ງ ຜ້າຫາງ ຜ້າ
ສະບົງ ແລະ ຜ້າທີ່ແກ້ຫຍິບສຳເລັດຮູບປະເພດອື່ນໆ.
††††††††††††††††10.ພາສາລາວເອີ້ນວ່າ: ສະແດງ ເອ້ຢ້ອງ ຫຼື ສະແດງເຄື່ອງຂອງ ແລະ ກະໂຕຄົນ ພາສາໄທເອີ້ນວ່າ: ໂຊ ແຕ່
ຄົນລາວສ່ວນໜຶ່ງພາກັນເວົ້າຕາມພາສາໄທ ຕ້ອງເຂົ້າໃຈຄຳວ່າ: ໂຊ ຕາມພາສາລາວ ແມ່ນການເຈັບປ່ວຍ.
††††††††††††††††11.ພາສາລາວເອີ້ນວ່າ: ນ້ຳເປື້ອນ ພາສາໄທເອີ້ນວ່າ: ນ້ຳເສຍ ແຕ່ຄົນລາວພັດພາກັນເວົ້າຕາມພາສາໄທແບບ
ຫັນຫຼັງໃສ່ພາສາລາວຂອງຕົນ ຕ້ອງເຂົ້າໃຈ ຄຳວ່າ: ເສຍ ຕາມພາສາລາວ ແມ່ນຊອກບໍ່ເຫັນ.
††††††††††††††††12.ພາສາລາວເອີ້ນວ່າ: ຮູບເງົາ ແລະ ໂທລະພາບ ພາສາໄທເອີ້ນວ່າ: ໜັງພາບພະຍົນ ແລະ ໂທລະທັດ ແຕ່
ໜ້າເສຍດາຍ ຄົນລາວພັດພາກັນເວົ້າພາສາໄທ ແທນພາສາລາວໄປເລີຍ.
††††††††††††††††13.ພາສາລາວເອີ້ນວ່າ: ຂົ້ວ ພາສາໄທເອີ້ນວ່າ ຜັດ ແຕ່ຄົນລາວສ່ວນຫຼາຍໄດ້ເວົ້າພາສາໄທ ໂດຍບໍ່ຫ່ວງໄຍນຳ
ພາສາຂອງຊາດຕົນ ເຊັ່ນ: ປ່ຽນຄຳວ່າ: ເຂົ້າຂົ້ວ ເປັນຄຳວ່າ ເຂົ້າພັດ ປ່ຽນຄຳວ່າ: ຂົ້ວຜັກ ຂົ້ວຊີ້ນ ແລະ ຂົ້ວອື່ນໆ ເປັນຄຳ
ວ່າ: ຜັດຜັກ ຜັດຊີ້ນ ແລະ ຜັດອື່ນໆ.
††††††††††††††††14.ພາສາລາວເອີ້ນວ່າ: ຢ່າຟ້າວ ໆ ຈັກໜ້ອຍກ່ອນ ພາສາໄທເອີ້ນວ່າ: ດຽວໆ ແຕ່ຄົນລາວສ່ວນຫຼາຍພາກັນ
ເວົ້າພາສາໄທໄປເລີຍ.