The most sexy Lao guys go to Thailand !!!

Members Login

Post Info

TOPIC: The most sexy Lao guys go to Thailand !!!

Anonymous

Date: Sep 13, 2007

The most sexy Lao guys go to Thailand !!!

ຕອນແລງມື້ວານນີ້ (6/9/2007) 4 ນັກກ້າມຊາຍທິມຊາດລາວ ຄືທ້າວ ພູມມີ ສະຫວັດດີໄຊ ລຸ້ນ 55 ກິໂລ
ທ້າວ ອິນທະນູສອນ ສຸວັນຄຳ ລຸ້ນ 60 ກິໂລ ທ້າວ ດາວຄຳ ບຸນວິຊຽນ ລຸ້ນ 70 ກິໂລ ແລະ ທ້າວ ກົງປະເສີດ ແພງແສນ
ລຸ້ນ 80 ກິໂລ ໄດ້ເດີນທາງໄປເກັບໂຕເຝິກຊ້ອມທີ່ບາງກອກ ປະເທດໄທ ເພື່ອກຽມເຂົ້າຮ່ວມຊີເກມຄັ້ງທີ 24 ທ້າຍປີ 2007
ນີ້.
              ກ່ອນຈະອອກເດີນທາງໄປນັ້ນທ່ານ ບຸນມີ ບັນນາວົງ ປະທານສະຫະພັນກິລາ ເພາະກາຍແຫ່ງຊາດລາວ ກໍ
ໄດ້ຕາງຫນ້າໃຫ້ປະທານຄະນະກຳມະການກິລາແຫ່ງຊາດລາວ ໂອ້ລົມຕໍ່ນັກກິລາ ໂດຍທ່ານໄດ້ເນັ້ນໃຫ້ນັກກິລາທຸກຄົນ
ຕ້ອງເອົາໃຈໃສ່ທາງດ້ານລະບຽບວິໄນ ປະຕິບັດຕາມລະບຽບຂອງຄູເຝິກ ແລະ ຕັດສິນໃຈສູງໃນການເຝິກແອບ ເຖິງຈະອິດ
ເມື່ອຍ ກໍຕ້ອງມີຈິດໃຈອົດທົນ ເພື່ອກຽດ ແລະ ສັກສີຂອງປະເທດຊາດ ເພາະວ່າຄະນະກຳມະການກິລາແຫ່ງຊາດ ກໍຄືພໍ່
ແມ່ປະຊາຊົນບັນດາເຜົ່າກຳລັງລໍຄອຍເບິ່ງຜົນສຳເລັດຂອງລູກຫລານເຈົ້າພະຍາຟ້າງຸ່ມ ເຊັ່ນກັນ.

              ນັກກິລາທັງ 4 ຄົນນີ້ ກໍໃຫ້ຄຳຫມັ້ນສັນຍາວ່າ ຈະຕັດສິນໃຈສູງໃນການເຝິກແອບ ເພາະເຄີຍມີປະສົບປະການ
ມາແລ້ວ ໂດຍສະເພາະແມ່ນເຄີຍເຂົ້າຮ່ວມແຂ່ງຂັນງານມະຫະກຳກິລາຊີເກມ ປີ 2003 ທີ່ ປະເທດຫວຽດນາມ ຄື: ທ້າວ
ກົງປະເສີດ ແພງແສນ ກໍສາມາດຜ່ານເຂົ້າໄປເຖິງຮອບຊີງຊະນະເລີດ ແຕ່ຍັງບໍ່ສາມາດຍາດໄດ້ຫລຽນເທື່ອ ການອອກເດີນ
ທາງໄປເກັບໂຕເຝິກຊ້ອມທີ່ປະເທດໄທ ຄັ້ງນີ້ຈະໃຊ້ເວລາ 3 ເດືອນ ຈົນເຖິງມື້ແຂ່ງຂັນ ກໍມີຄວາມຫວັງສູງສົມຄວນ ເນື່ອງ
ຈາກຄູເຝິກຄືທ່ານ ສິດທິ (ໂອ) ນັກເພາະກາຍແຊັມໂລກ 2 ສະໄຫມ ຈະເປັນຜູ້ຖ່າຍທອດທາງດ້ານເບັ່ງກ້າມ ໂດຍທ່ານມີ
ເຈດຕະນາຈະຫມາຍຫມັ້ນປັ້ນມືສ້າງນັກກິລາເພາະກາຍທິມຊາດລາວ ໃຫ້ຈຳນວນ 4 ຄົນນີ້ ແນ່ນອນວ່າ ຜູ້ໃດຜູ້ຫນຶ່ງຕ້ອງ
ໄດ້ຫລຽນເງິນ ຫລຽນຄຳ ຫລື ຫລຽນທອງແດງ ຕິດໄມ້ຕິດມືກັບບ້ານ.

              ຕອນທ້າຍທ່ານ ບຸນມີ ບັນນາວົງ ປະທານສະຫະພັນເພາະກາຍແຫ່ງຊາດລາວ ໄດ້ແຍ້ມຕື່ມ ຖ້ານັກເພາະ
ກາຍທິມຊາດລາວ ປະສົບຜົນສຳເລັດໃນຊີເກມ ຄັ້ງທີ 24 ທີ່ໂຄລາດ ປະເທດໄທ ທ້າຍປີ 2007 ນີ້ ແມ່ນຈະສະເຫນີລັດຖະ
ບານ ປະກອບກິລາປະເພດນີ້ເຂົ້າຮ່ວມແຂ່ງຂັນງານມະຫະກຳກິລາຊີເກມ ຄັ້ງທີ 25 ປີ 2009 ທີ່ ສປປ ລາວ ເຮົາຮັບເປັນ
ເຈົ້າພາບ.

Source: vientianemai

__________________

Page 1 of 1 sorted by

Quick Reply
Please log in to post quick replies.

Create your own FREE Forum
Report Abuse