Luang Prabang will join Vientiane and Savannakhet to host 2009 SEA Games !!! - Samakomlao Main

Members Login

Post Info

TOPIC: Luang Prabang will join Vientiane and Savannakhet to host 2009 SEA Games !!!

samakomlao

Guru

Status: Offline

Posts: 1451

Date: Aug 25, 2007

Luang Prabang will join Vientiane and Savannakhet to host 2009 SEA Games !!!	Permalink

ຄະນະຈັດງານມະຫາກຳການ ແຂ່ງຂັນກິລາຊີເກມສ໌ ຄັ້ງທີ 25 ປີ 2009 ທີ່ ສປປ ລາວ ຈະເປັນເຈົ້າພາບໄຟຂຽວເປັນເອກະສັນມອບໃຫ້ແຂວງຫລວງພະບາງ ແລະ ແຂວງ ສະຫວັນ ນະເຂດ ເປັນເຈົ້າພາບຮ່ວມໃນບາງປະເພດກິລາເຊັ່ນ: ເຕະບານຍິງຮອບທຳອິດກຸ່ມບີ ຈັດຢູ່ ຫລວງພະບາງຂະນະທີ່ເຕະບານຊາຍກຸ່ມບີ ຮອບທຳອິດ ແລະ ກິລາບານມື ຫລື ແຮນບອລ ກຳນົດໃຫ້ຈັດຢູ່ແຂວງສະຫວັນນະເຂດ. ຂໍ້ກຳນົດດັ່ງກ່າວ ໄດ້ມີຂຶ້ນໃນກອງປະຊຸມລະດັບຊາດຄັ້ງທີ 5 ຂອງຄະນະກຳມະການຈັດ ງານມະຫາກຳຊີເກມ ຄັ້ງທີ 25 ປີ 2009, ໃນຕອນເຊົ້າມື້ວານນີ້ (23 ສິງຫາ) ທີ່ຫ້ອງປະຊຸມ ລັດຖະບານສຳນັກງານນາຍົກລັດຖະມົນຕີພາຍໃຕ້ການເປັນປະທານຂອງ ທ່ານ ສົມສະຫວາດ ເລັ່ງສະຫວັດ, ຮອງນາຍົກລັດຖະມົນຕີ, ຜູ້ປະຈຳການລັດຖະບານທັງເປັນປະທານຈັດງານມະ ຫາກຳຊີເກມສ໌ ຄັ້ງທີ 25 ໂດຍ ມີບັນດາຜູ້ຮັບຜິດຊອບແຕ່ລະອານຸກຳມະການຝ່າຍຕ່າງໆທັງ ຫມົດກວ່າ 50 ທ່ານເຂົ້າຮ່ວມ ໃນກອງປະຊຸມ, ທ່ານ ສົມສະຫວາດ ເລັ່ງສະຫວັດ ໄດ້ແຈ້ງຈຸດປະສົງ ຂອງກອງປະຊຸມ ເຊິ່ງເນື້ອໃນສຳຄັນແມ່ນທົບທວນຄືນບັນດາຫນ້າວຽກທີ່ໄດ້ປະຕິບັດ ແລະກະກຽມຜ່ານມາຂອງ ແຕ່ລະອານຸກຳມະການຝ່າຍຕ່າງໆ. ຈາກນັ້ນໃນນາມຫົວໜ້າກອງເລຂາຄະນະຈັດງານ, ທ່ານ ດຣ. ພູທອງ ແສງອາຄົມ, ລັດຖະມົນຕີປະຈຳ ສນຍ, ປະທານ ຄກຊ (ຄະນະກຳມະການກິ ລາແຫ່ງຊາດ) ແລະ ປະທານ ຄອລ (ຄະນະກຳມະການ ໂອແລມ ປິກລາວ), ໄດ້ລາຍງານ ຄວາມຄືບຫນ້າຂອງການກະກຽມຕະຫລອດໄລຍະຜ່ານມາຈົນເຖິງປະຈຸບັນ ເຊິ່ງລວມມີບັນດາ ໜ້າວຽກສຳຄັນໆເຊັ່ນ: ວຽກກອງເລຂາ, ວຽກເຕັກນິກ, ວຽກເສດຖະກິດການຕະຫລາດ, ວຽກ ກໍ່ສ້າງສ້ອມແປງ, ວຽກທີ່ພັກ, ອາຫານ, ຂົນສົ່ງ, ປະດັບປະດາ ແລະວຽກພິທີເປີດ-ປິດ. ກ່ຽວກັບວຽກທາງດ້ານເຕັກນິກ,ຄະນະກຳມະການໄດ້ກຳນົດເອົານະຄອຫລວງວຽງຈັນເປັນ ສະຖານທີ່ແຂ່ງຂັນຫລັກຂອງງານ ໂດຍຄາດວ່າຈະນຳໃຊ້ 7 ເຂດໃຫຍ່ເຊັ່ນ: ເຂດຫລັກ 16 ມີ 8 ສະຫນາມ, ເຂດມະຫາວິທະຍາໄລແຫ່ງຊາດ ມີ 1 ແຫ່ງ, ສູນການຄ້າລາວ-ໄອເຕັກ 1 ແຫ່ງ, ສະຫນາມກິລາເກົ່າ (ເດີນສະຕາດ) 1 ແຫ່ງ, ສະຫນາມຍີ່ປຸ່ນສ້າງໃຫມ່ 1 ແຫ່ງ, ສະ ຫນາມໃນຮົ່ມຫລັກ 5,1 ແຫ່ງ ແລະ ສະໂມສອນເບຕົງ 1 ແຫ່ງ. ໃນນີ້ມີການສ້າງ ໃຫມ່ 11 ສະຫນາມ ແລະ ສ້ອມແປງ 5 ແຫ່ງ ແລະ ກະກຽມສະຫນາມຝຶກຊ້ອມ 13 ສະຫນາມ. ນອກຈາກນີ້ ຍັງໄດ້ກຳນົດໃຫ້ແຂວງຫລວງພະບາງ ມີການຈັດການແຂ່ງຂັນກິລາເຕະບານ ເພດຍິງຮອບທຳອິດໃນກຸ່ມບີແທນການແຂ່ງຂັນແລ່ນ-ລານທີ່ເຄີຍກຳນົດໄວ້ໃນເມື່ອກ່ອນ. ເຊັ່ນ ດຽວກັບແຂວງສະຫວັນນະເຂດໄດ້ກຳນົດໃຫ້ຈັດແຂ່ງຂັນເຕະບານຊາຍຮອບທຳອິດກຸ່ມບີ ແລະ ການແຂ່ງຂັນກິລາບານມື (ແຮນບອລ). ສຳລັບຫນ້າວຽກອື່ນໆ, ທຸກໆ ອະນຸກຳມະການກໍມີການດຳເນີນໄປຕາມຂັ້ນຕອນ ແລະ ມີ ຄວາມຄືບຫນ້າເປັນກ້າວໆ. ແນວໃດກໍຕາມ,ໃນຕອນທ້າຍ, ທ່ານຮອງນາຍົກລັດຖະມົນຕີໄດ້ຮຽກຮ້ອງໃຫ້ທຸກພາກສ່ວນ ມີການຮ່ວມມື ແລະ ພ້ອມກັນຢ່າງຕັ້ງຫນ້າສຸມໃສ່ຫນ້າວຽກທາງດ້ານເຕັກນິກ, ດ້ານກໍ່ສ້າງນັກ ກິລາ, ບຸກຄະລາກອນ ແລະ ອື່ນໆ. ສ່ວນສະຫນາມແຂ່ງຂັນກິລາໂບລິ້ງຖ້າຫາກວ່າບໍ່ມີຄວາມ ພ້ອມກໍໃຫ້ຕັດອອກໄປເລີຍ. ສຳລັບສອງແຂວງທີ່ຈະເປັນເຈົ້າພາບຮ່ວມເຊັ່ນ: ຫລວງພະບາງ ແລະສະຫວັນນະເຂດໃຫ້ກັບໄປທົບທວນຄືນໜ້າວຽກ ການກຽມເປັນເຈົ້າພາບໃຫ້ດີທີ່ສຸດ ແລະ ບັນຫາສະຫນາມເປີດ-ປິດ ມອບໃຫ້ອານຸກຳມະການທີ່ກ່ຽວຂ້ອງເລັ່ງທົບທວນກັບຝ່າຍຈີນໃຫ້ ໄວທີ່ສຸດ. source: ecom __________________ Make yourself visible, signup at samakomlao webboard. HERE

Page 1 of 1 sorted by

Tweet this page

Post to Digg

Post to Del.icio.us

Create your own FREE Forum
Report Abuse