ອີງຕາມການເປີດເຜີຍຂອງ ທ່ານ ນາງ ບົວຄຳ ຈິດຕະພະວົງ,ຫົວຫນ້າພະແນກແຜນການ ແລະ ການລົງທຶນແຂວງຫົວພັນໃຫ້ຮູ້ວ່າ:ແຂວງຫົວພັນໄດ້ອະນຸມັດໃຫ້ນັກລົງທຶນເຊື້ອຊາດລາວ-ສັນຊາດອາເມລິກາມາລົງທຶນບຸກເບີກເນື້ອທີ່ດິນ260ເຮັກຕາເພື່ອທົດລອງປູກຫມາກແອັບເປິນ ໃນຂັ້ນທົດລອງເຊິ່ງເປັນແຫລ່ງທຳອິດໃນແຂວງຫົວພັນ.ໃນການບຸກເບີນເນື້ອທີ່ດິນ260ເຮັກຕາ ເພື່ອທົດລອງປູກຫມາກແອັບເປິນແຫ່ງທຳອິດນັ້ນ.ທາງແຂວງຫົວພັນໄດ້ອະນຸມັດໃຫ້ນັກລົງທຶນ ເຮັດການທົດລອງແລະນຳໃຊ້ໃນເນື້ອທີ່ດິນຢູ່3ເມືອງຄື:ເມືອງຊຳເຫນືອ,ເມືອງວຽງໄຊແລະເມືອງ ຫົວເມືອງ.ໂດຍໃຊ້ງົບປະມານ1ລ້ານໂດລາສະຫະລັດແລະໃຫ້ລົງມືພາຍໃນ90ວັນຫລັງຈາກໄດ້ ຮັບການອະນຸມັດຖ້າກາຍກຳນົດແມ່ນຖືວ່າໂມຄະ.ໃນຂັ້ນທົດລອງທຳອິດແມ່ນເລີ່ມຕົ້ນຢູ່ເມືອງຊຳ ເຫນືອນຳໃຊ້ທີ່ດິນ10ເຮັກຕາກວ່າຖ້າປະສົບຜົນສຳເລັດແມ່ນຈະຂະຫຍາຍໄປເມືອງວຽງໄຊແລະ ເມືອງຫົວເມືອງ.

ສຳລັບການອະນຸມັດໃນເບື້ອງຕົ້ນແມ່ນ15ປີ,ຫລັງຈາກນັ້ນນັກລົງທຶນຈະສ້າງ ໂຮງງານແປຮູບ ແລະ ດຳເນີນການປຸງແຕ່ງຜະລິດຕະພັນເພື່ອສະຫນອງໃຫ້ແກ່ຕະຫລາດ ພາຍໃນ.ທ່ານ ນາງ ບົວຄຳ ຈິດຕະພະວົງຍັງກ່າວຕື່ມອີກວ່າ:ຄຽງຄູ່ກັບການທົດລອງປູກຫມາກ ແອັບເປິນນັ້ນ.ແຂວງຫົວພັນໄດ້ອະນຸມັດໃຫ້ນັກລົງທຶນຊາວຈີນທົດລອງປູກດອກເຜິ້ງໃນເນື້ອທີ່3ເຮັກຕາໂດຍໃຊ້ທຶນທັງຫມົດ1ຕື້ກີບໃນການທົດລອງໃນເບື້ອງຕົ້ນແມ່ນຢູ່ເມືອງວຽງໄຊ.

ທ່ານ ນາງ ບົວຄຳ ຈິດຕະພະວົງ ຍັງໄດ້ເນັ້ນຕື່ມອີກວ່າ:ຖ້າມີຄວາມກ້າວຫນ້າໃນຂັ້ນທົດລອງ ຂອງການປູກຫມາກແອັບເປິນ ແລະ ດອກເຜິ້ງໄດ້ຫລາຍທາງແຂວງອາດຈະປ່ຽນການລົງທຶນ ໃຫ້ເປັນໃນລັກສະນະ Controct Formimy ຄືນັກລົງທຶນຈະເປັນຜູ້ສະຫນັບສະຫນູນປັດໄຈ ການຜະລິດ ແລະ ຮັບຊື້ເອົາຜົນຜະລິດຈາກຊາວບ້ານ.

ຄັດມາຈາກ ຫນັງສືພິມເສດຖະກິດ ສັງຄົມ